Saturday, January 29, 2011

හරි දැන් අපි තමා බයිට් එක....

දැන් ඉතින් බිග් මැච් කාලෙත් ලඟයිනෙ, ලඟදිත් මම කිව්වනෙ අපි සෙට් එකක් බිග් මැච් එකකදි නෝන්ඩි උන හැටි, මේකත් අර බිග් මැච් පටන් ගන්න දවසට කලින් යන සයිකල් පැරේඩ් එකක් දවසක වෙච්ච වෙච්ච දෙයක්.

ඔයගොල්ලො දන්නවානෙ, කොල්ලො සයිකල් පැරේඩ් වල එක එක සෙල්ලන් දානවානෙ, ඔය සෙල්ලන් වලින් එකක් තමයි පුලුවන් නම් ඔය කාන්තා පාර්ශවයේ ඉස්කොලෙකට කඩාවැදීම. අපි ඉතින් තියන විසේට ඕවාගෙ සුලු සුලු වැරදි කෙරුවට අපි හැදිච්ච කොල්ලො හරිද.

අපි එතකොට 10, බොහොම අමාරුවෙන් සල්ලි එකතු කරල, ඉතුරු ටික හවසට හැට් කලෙක්ශන් වලින් දෙන්නම් කියල පරන ලොරි බාගයක් ගත්තා පැරේඩ් එකට. දැන් ඉතින් කොල අතු එල්ලල අපි සෙට් වෙනව යන්න, එතකොට කව් රු හරි ගෝතයෙක් කිව්ව අහ-වල් (මේ ඇත්තටම එකෙ කෙල්ලො හරි වල් ) "කාන්තා" ඉස්ස්කෝලෙට පනිමුද කියලා. අපේ ඉස්කොලෙ කිට්ටුවෙන් තව ගෑනු ඉස්කෝල 2-3 තියනව, එකක් ඔය අපෙ සිස්ටර් ස්කූල් ලු, අනෙ මන්දා, එත් අර කියන "කාන්තා" ඉස්කොලෙත එක්ක ටිකක් මල, මොකද උන් ඉන්නෙ අඟල් හයක් උඩින් අර මොකක්ක්ද එක නලලෙ කියල හිතාගෙන. 

ඉතින් වැඩේ කියන පරක්කුවෙන් සම්මතයි, වැඩි දුරක් නැති එකෙ අපි පයින්ම ගිහින් දෙයියනෙ කියල ඉස්කෝලෙ පුරුද්දට පැන්න තාප්පෙන්. දැන් අපිට පට්ට ත්‍රිල්, දැන් මැවිල පේනව අර කෙල්ලො අත් දෙකෙන් කට වහගෙන, බෙරිහන්  දිදී, පලාතම දෙවනත් කරගෙන, ගාල කඩාගත්ත වැස්සියෝ වගෙ දුවන හැටි. අපි පාට තීන්ත වලින්, වතුර බෑග් වලින් ගහන හැටි, අම්මො එහෙම සුවයක්. ඕකුන්ට හොඳ වැඩේ උඩින් ගියාට.


ඒත් දෙවියනේ, අපි පැන්න පැන්නමයි, එක බල්ලෙක්, සොරි එක කෙල්ලෙක් වත් සත පහකට බය උනේ නෑ නේ. ගස් යට හිටපු උන් එහෙමම ඉන්නව, පඩි පෙලි වල කය්ය දාගෙන හිටපු උන් එහෙමම ඉන්නවා. මිල්ක් ෆාර්දට ඩෝග් ජම්ප් කිව්වලු, දැන් උන් මොන බල්ලොද, අපිනෙ බල්ලො ගානට වටිල ඉන්නෙ, ඇයි දෙය්යනේ මවාගෙන ආපු හැටියට උනේ නෑනෙ.

දැන් ඉතින් කරන්න් දෙයක් නෑ, යන් බන් ඉස්කෝලෙ ඇතුලටම, වතුර ටිකක් බොන්න ටැප් එකක්වත් ඇතිනෙ.

ඔව් ඔව් යන්, මොනා කරන්නද

හ්ම්ම් යන්

ඔන්න දැන් උන්ගෙ අර පාරට පේන හෝල් එක ලඟින් ඇතුලට ගියා,

හේ... ගා..යිස්,

කවුද යකො අපෙ සෙට් එකේ කඩ්ඩෙන් කතා කරන්නේ, ම්හ් නෑ, හුටා අර ක්ලාස් එකක් ඇතුලෙ ඉඳන් කෙල්ලෙක් කතා කරනව, කතා කරනව නෙවෙයි විදිනවා, මේකි කියනවා ක්ලාස් එක ඇතුලට එන්නලු, දැන් චන්ඩි ටික පස්ස ගහනව, කොහොමහරි ක්ලාස් එක අතුලට ඔලුව දැම්මා, හුටා, බොහෝම චූටි ටීචර් කෙනෙක් බොර්ඩ් එකෙ මොනවද ලියනවා, ෂුවර් වැඩිම උනොත් 25 වයස ඇති. දැන් අපි රත් වෙලා, අද ෂුවර් පොලෝසියෙ තමයි.

වයි ඩොන්ට් යු සිට් විත් අස්, මේකි අයෙත් විදිනව, ක්ලාස් එකේ කෙල්ලො පලු යන්න හිනා වෙනවා, හරි දැන් අපි තමා බයිට් එක, මෙහෙම ලැජ්ජාවක් උපන් තේකට උනෙ නෑ, විලි ලජ්ජාවෙ සන්තෝසෙ බෑ.

අපි බූරුවො ටික ගත්තා පුරුස දහිරිය, ගියා ක්ලාස් එක  ඇතුලට, අර චූටි ටීචර් ගෙ මූන රතු වෙලා, එයා පොත් ටික ගත්තා, ගියා, අර කෙල්ලො දැන් අපි ඉන්නවද කියල නෑ, උන්ගෙ කතා, හිකි හිකි ගගා හිනා වෙනවා, දැන් නම් ෂුවර් අපි කිලෝ ගනන් නෝන්ඩි, අර ගලේ රීපු පුසෝ වගේ අපි බුකවගෙන ඉන්නවා, ගෙනාපු වතුර බෑග් එකක් ගහන්නවත් හිතා ගන්න බෑ, සඳ බයිට්. යන්තන් අපෙ එකෙකෙ පුරුස දහිරිය තිබිල, කැගැහුව,

මොන ...... කරන්නෙ ගහපියව් පොලිසිය එන්න කලින්.

ඔන්න යන්තන් අපි නිකන් ලාවට උන්ට තීන්තයි වතුරයි (තීන්ත ගහද්දි නම් මුන් කැගැහුව, එත් කඩ්ඩෙන්, ඇයි කොහොමද රතු තීන්ත ගවුම් වලට වැටුනාම, හැබැයි උන්ගෙ ඉස්කෝලෙ කලර්සුත් රතු ) ගහල, අනේ බලු ගානට වැටිල, ශේප් එකෙ ආවා. 

Thursday, January 27, 2011

සුරා ගෙ සූටි කතාවක්

මෙ කියන්න යන්නෙ බොහොම සූටි කතාවක්. සමහර විට ඔයාල මේ වගේ කතාවක් අහල තියනවනම් අනේ සොරි මෙයාල. ඔය අපේ සෙට් එකේ, ඒ කියන්න ගෙවල් කිට්ටුව සෙට් එකේ, හොඳ කකුලක් තමයි "සුරා" කියන්නෙ, අනෙ හිත හොඳ කොල්ලා, එත් මෙලෝ රහක් නෑ කරන වැඩ නම්. මම පස්සෙ එකින් එක කියන්නම්. තව එක දෙයක්, මූ කොච්චර හිත හොඳ එකා උනත්, මෙලෝ සිහියකින් ජීවත් වෙන් එකෙක් නෙවෙයි.

ලඟදි දවසක් අපි පොඩ්ඩක් අනුමත වෙන ගමන්  අපෙ ගෙවල් පැත්තෙ පොරක් ගැන කතා වෙවී හිටිය. බුවා මේ අපේ සෙට් එකෙක් නෙවේ, ඔය ඉන්නෙ නිකන් නසරානි ඩයල් ගම්වල චාටර් වෙච්ච, අන්න ඒකෙක්. අපි කතා වෙවී හිටියෙ මේ කියන පොර ලඟදි බැන්ඳා, ඇත්තටම පැත්තෙ මිනිස්සු කියන්නෙ උස්සන් ආව කියලා. මොනව උනත් ඒ කෙල්ල පව්, ඒකි දන්නනෑනෙ මූ කව්ද කියල. දැන් අපෙ උන් කතාව අස්සෙ එකෙක් කිව්වා,

xxxx : බලපන් ඕකා ගෑනු කියක් එක්ක නිදාගෙන ඇද්ද, මහ චාටර් පොරක්, දැන් කොහෙවත් ඉන්න කෙල්ලෙක් අමාරුවෙ දානව.

එතකොට අර තනමල්විල කොටේ ගගහ හිටපු සුරා කියනවා,

සුරා : ඉතින් බන් මොකක්ක්ද එකෙ තියන වැරැද්ද? ඌ ගෑනු එක්ක ඇඳේ නිදා ගත්තනම් අවුලක් නෑනෙ, ඔන්න ඇහැරල ... හිටියනම් තමයි අවුල්.

Friday, January 21, 2011

අපි සෙට් එක පට්ට නෝන්ඩි වෙච්ච සීන් එකක්

ඉතින් මෙයාලා, කොහොමද?, අද මම කියන්න යන්නෙ අපි සෙට් එක පට්ට නෝන්ඩි වෙච්ච සීන් එකක්, ආයි ඉතින් අහන්න දෙයක්ක්ද, මමත් ඕකට සම්බන්දයි, නැත්නම් අපි කියල දාන්නෙ නැතුව උන් කියල දානවනෙ.


මේ සීන් එක උනෙ අපේ ඉස්කෝලෙ බිග් මැච් එක දවසක. අපේ මැච් එක තියෙන්නෙ එස්.එස්.සී ග්‍රව්න්ඩ් එකේ. මට මතක ඇති කාලෙක ඉඳන් මැච් එක තියෙන්නෙ ඔය කියන ග්‍රව්න්ඩ් එකේ. අපි ඉතින් පුන්චි කොල්ලො හින්දා, අපි හිටියේ Boy's Tent එකේ, ඒ කියන්නේ ඉස්ස්කොලේ ලමයි ඉන්න පොට් එක.

අපේ ඔය ටෙන්ට් එක පිටිපස්සේ තියෙන්නෙ NIBM එක. ඔන්න ලමයි දැන් තේරෙනවනෙ අවට පරිසරය. ඉතින් මැච් එකේ මැදදි අපි සෙට් එක පාස් හතරකුත් අරගෙන එලියට ආවා. ආවෙ මුකුත් නෙවේ නිකන් හරිද. ඔය Boy's Tent වල නැති අනු පාන ජාති ටිකක් සප්පායන් වෙන්න කියල, ආයි ඉතින් බිග් මැච් එකකට ඇවිත් ඕව නැතුවත් බෑනෙ. ඔන්න මමයි, ගුනෙයි, බට්ටයි, කොට සමරෙයි තමා එලියට ආවේ. එලියට ආවා විතරයි සමරය කියනව, මචන් බිජ්ජ පැලෙන්න හුජ්ජ බරයි, කොහෙන් හරි දාල යන් කියල. මුටත් ඉතින් පිස්සු මෝල් නේ, අච්චර ටොයිලට් තිබ්බා ඇතුලෙ, මේකට ඕනවුනෙ එලියට ආවාමනෙ. වෙන වෙලාවකනම් නිකන්න්ම පාරෙ තාප්පෙකට අල්ලන්න තිබ්බ, කොහෙද, අර NIBM එකේ උන් කොල්ලො කෙල්ලො සීයක් විතර උඩ තට්ටුවෙ ඉඳන් මැච් එක පැත්ත බලනවා, අනේ සෝක් අක්කිලා ටිකකුත් හිටියා, ඉතින් ලැජ්ජ බය ඇතුව හැදුන කොල්ලො හින්දා අපි හෙව්ව හැන්ගිල වැඩේ කරන්න පුලුවන් තැනක්. එතකොට අපි දැක්ක NIBM එකයි, එස්.එස්.සි එකයි අතරෙන් පොඩි පාරක් තියනව, එතන ගේට්ටුවක් දාල, හැබැයි ගෙට්ටුව ඇරල. ඉතින් ගෙට්ටුව ඇරල, ගෙට්ටුව ග්‍රවුන්ඩ් එකේ තාප්පෙ පැත්තට, තාප්පෙයි, ගේට්ටුවයි අතරේ ඉඩ තියයනව දෙයියනෙ කියල වැඩෙ කරගන්න පුලුවන් තරමටම.

සමරයගෙ සපෝර්ට් එකට මමයි, බට්ටයි ත් සෙට් උනා, නිකන් තියෙන තාප්පෙනෙ කියල, අර වල්, ජඩ, බූරු ගුනය විතරක් ආවෙ නෑ. ඔන්න ඉතින් අපි තුන් දෙනා තාප්පෙ පැත්තට පස්ස හරෝගෙන, ගේට්ටුවට අපේ බර හෑල්ලු කරනවා, එතකොටම, අර වල් ගුනයා, අපිට කොචොක් එකක් දාන ගමන්, ඇරල තිබ්බ ගෙට්ටුව වැහුව, අම්මෝ, පට්ට සූ සද්දයක් ආවා NIBM පැත්තෙන්, මොකද දන්නවද, අපි තුන් දෙනා, NIBM පැත්තට චූ පැටවු එලියෙ දාගෙන චූ කරනවා, අනේ ඉතින් ලාවට දැක්ක, සමහර අක්කිලා නම් අහක බලනව වගේ, එත් මොනව කරන්නද, අර මොකක්ක්ද කාපු රිලවු වගේ, සෙට් එක එලියෙ දාගෙන වැඩේ ඉවර වෙනකම්ම හිටියා, මොකෝ, ඔය වැඩේ පටන් ගත්තට පස්සෙ මගදි නවත්තන්න පුලුවන් කමක් නෑනේ.
 
නිල් පාට තිත් කියන්නෙ NIBM සෙට් එක, අර කොල පාට බෝල තියෙන්නෙ අසරන අපි තුන් දෙනාට, දැන් හිතා ගන්නකෝ, අර අලු පාටට තියන ගෙට්ටුව ඊතලය පැත්තට වැහුවාම, දෙගොල්ලොම මුනට මුන බලගෙන, අපි උන්ගෙ පැත්තට, චූ පැටවු දාගෙන හිටපු හැටි.

Sunday, January 16, 2011

කට උත්තර නැතිවුන කතාවල්... 2

මේක උනෙ මම ඉස්කෝලෙ බොඩිමේ ඉන්න කාලෙ. ඔය බෝඩිම ගැනම තවත් බ්ලොග් එකක ලියල තියනව මම දැක්කා, දන්නවනෙ ඔය හොස්ටල් වල ඉන්නකොට අපිට ඕකෙන් එලියට පනින එක තරම් සුවයක් වෙන නෑ කියල. ඇයි කියල අහන්නෙ දෙවියනේ, උදේ ඉඳන් ආයි එලි වෙනකන් ඉන්නෙ ඕකෙනෙ, එලිය පහලිය දකින්න, කටට රස කෙල්ලෙක් දකින්න (ඇයි ඉතින් පෙරෙන පැනි ආපහු අපේ කටේමනෙ වැටෙන්නෙ ) ඉතින් ඕකෙන් එලියට පනින්නම ඕනෙ. පැන්නෙ නැත්නම් උපරිමම උපරිම දකින්නෙ අර සුවිම් පූල් එකට එන සහෝදර බාලිකා සෙට් ටික විතරයි, එකටත් දස වද විඳින්න ඕනෙ අර ටකරන් අස්සෙන් බලන්න.
ඔන්න ඉතින් දවසක් මම වහන්සෙ සහ තවත් වහන්සේලා තුන් දෙනෙකුයි (මේ ඔක්කොම ගොන්-වහන්සේලා) පැන්න තාප්පෙන්, අම්මො එහෙම දුකක්, ඔයාල හිතන්නෙ රෑ කියලද, පිස්සුද මේ ගිනි දවල් දෙකට විතර. එදානම් අපි ෆිල්ම් එකක් බැලුවා, කඩේකින් කෑවා, සුදු පරෙවි රෑන් පස්සෙ ගියා, කොහොම හරි අතෙ සතේ නැතිව අපි පයින්ම ආවා. ඉතින් ඔහොම එනකොට අපෙ කරුමෙ කියන්නෙ, නිදහස් චතුරස්‍රයේ වටේටම පොරවල් ටිකක් සිංහ කොඩි දානව. සිංහ කොඩි දාන එක මේක බලන උම්බලටනම් කරුමයක් නෙවේ, ඒත් එදා අපිට එක කරුමයක් උනා, අපි ඕකත් බල බල හිමින්න්ම ඇවිත් සුපුරුදු තාප්පෙන්ම පැන්න ඇතුලට.

දෙය්යනෙ කියල අපි එක බල්ලෙක්ටවත් මාට්ටු නෑ. ඔන්න ඊට පස්සෙ එදා ඩිනර් එකට ගියාම අපෙ වලස් තුමා ( අපේ නම් කිසිම සම්බන්දයක් නැ වොර්ඩන්ට් ට ඔය නම කියන්න, ඕක අපිට බොහොම කලින්න්ම එන නමක් ) කිව්ව අහවල් වසරෙ කස්ටිය ඩිනර් එකෙන් පස්සෙ නවතින්න කියලා. හුටා ඒ කියන්නෙ අපේ ඉයර් එක. තව්සන්ඩ් සුවර් මේක අපි දවල් පැන්න එක නෙවෙ කියල, මොකද ඒක දැනගෙනනම් මෙලහකටත් අපිට බඩු හම්බ වෙලා. ඔන්න ආෆ්ටර් ඩිනර් අපේ කස්ටිය ඉන්නව ඩයිනින් හෝල් එක ඉස්සරහ. වලස්තුම ඇවිත් කිව්වා,
මේ, ඕ.. ගොල්ලො හෙට ඉස්කෝලෙ යන්න එපා, උදේම අත් දිගට දාල, කොලේජ් ටයි දාල එන්න, පොඩි උත්සවයකට යන්න තියනව නිදහස් චතුස්‍රයේ කියලා.
එතකොට කව්ද එකෙක් ඇහුව මොකක්ද උත්සවේ කියල.
සර් කිව්ව එයාටත් හරියටම සුවර් නෑ කියලා,
එතකොටම, අනේ අර මාත් එක්ක දවල් එලියට පැනපු දමියා කියපි,
සර්, මොකක් හරි ලොකු උත්සවයක් වෙන්න ඕනෙ, අද හවස නිදහස් චතුස්‍රයේ වටෙට සිංහ කොඩි දැම්ම, නේද ප්‍රසා...
සර් ඒ දමිය කියන බුරුවයි මාවයි කනට ගහල රෑ එලිවෙනකන් තාර පොලොවෙ දන ගහල තියන්න කලින් ඇහුවෙ එකම එක ප්‍රශ්නයයි, අපිට කට උත්තර නැතිඋනත් චූටි ප්‍රශ්නයක්...

තමුසෙලා දෙන්න හොස්ටල් එකේ ඉඳන්, නිදහස් චතුර්ස්‍රයේ කොඩි දැක්කෙ කොහොමද කියල විතරයි. 

ප.ලි. මම බීෆ් කන්නෙ නැති උනත්, පස්සෙ දමියව මරාගෙන කන්න හිතුනෙ රෑ දොලහට විතර අර දනහිස් පුපුරු ගගහ ඉන්න කොට මේකා කියපි, ගනන් ගන්න එපා බන්, මෙහෙම ඉන්නෙ එක ප්‍රශ්නයකට උත්තර දෙන්න බැරි උනා කියලනෙ, නිකමට හිතපන් ගනන් මිස් හරි සයන්ස් කාරය හරි උත්තර නැති ප්‍රශ්නවලට දන ගැස්සුවොත් අපිට කොහොමට කෙලවෙයිද කියලා....

Tuesday, January 11, 2011

කට උත්තර නැතිවුන කතාවල්... 1

ඔන්න ෆ්‍රෙන්ඩ්ස් අද මම කියන්න යන්නෙ පොඩි පොඩි කතා, මේවා හැබෑටම කට උත්තර නැතිවුන කතාවල්, අර කියන්න නොකව්ට් උනා කියල. මේ ඒ ජාතියේ කතා, දන්නවනේ මේවත් උනෙ අපේම උන් ටිකකට.
මේ, හෝව්, හෝව් ඔය කියවන ලමයි අතරෙ දැහමි ගැහනු ලමයි ඉන්නවනම් ආයි මට මුකුත් කියන්න එපා, කෙල්ලින්ම දෙවෙනි කතාවට යන්න, නැත්නම් පලවෙනි කතාවෙ එක වචන බාගයක් (1 = 1/2?) තියනවා, විහිලුවටවත් තේරුම් ගන්න හදන්න එපා, හරිද, දැහමි පිරිමි ලමයි ඉන්නවනම් අනේ ඔයාලටත් එක්ක තම මේ කියන්නෙ..

රායිට්... කතා 1.

මේ කියන දවස් වල අපි ඔය උසස් ලෙස පෙල කරනවා, දන්නවානෙ ඔය කාලෙ මාර සෙනසුරු කාලයක්නේ කොල්ලෙකුට. වලි නම් වලි, බලි නම් බලි, කෙල්ලො නම් වලි, බලි, ගුටි, ලව් ඔක්කොමනේ. ඉතින් ඔය වලි යනකොට කොල්ලො එක එක ගැන්සි වලට සෙට් වෙනවනෙ, සරලව එක එක සෙට් නේ, බස් රූට් එකෙ හැටියට බස් ගැන්සි, ක්ලාස් එකේ ගැන්සි, මැත්ස් ගැන්සි, සයන්ස් ගැන්සි, රගර්, ක්‍රිකට්, අරක, මේක ගැන්සි, සහ නිකම්ම නිකම් පීචන් ගැන්සි වගේ ගමකට ගැන්සි තියෙනවානෙ. සමහර කොල්ලොන්ට එක ගැන්සියක විතරයි මෙම්බර්ශිප් එක, සමහරුන්ට මල්ටිප්ල් මෙම්බර්ශිප්ස්. ඉතින් ඔය ගැන්සි අතරෙ පොඩි පොඩි ලොකු ලොකු වලියනවනේ, ඒ දවස් වල ඔය වලි බොහොම සරුසාරෙට තිබ්බා, ඩෙටොල් කොම්පැනියටයි, සිද්දාලේප කොම්පනියටයි හොද බිස්නස්. හැබයි ඉතින් හොදකට තියෙන්නෙ එලියෙන් වලියක් සෙට් උනොත් සත පහකට විතර එකමුතුවක් තියන එක විතරයි.

ඉතින් ඔන්න ඔය දවස් වල අපේ හිත මිතුරු සෙට් එකක්, ඒකියන්නෙ අපිත් එක්ක එක ගුටිය බෙදාගෙන කාපු උන් ටිකක් තව සෙට් එකක් එක්ක ෆුල් වලියක්. දවසක් ඔය අපේ දන්න කියන සෙට් එකේ දෙතුන් දෙනෙක් පාරෙ යනකොට අරුන් සෙට් එක මුන්ව අල්ලගෙන. එතන ඉස්කොලේ උන් විතරක් නෙවෙ තව මදාවි සෙට් එකකුත් ඉන්නවලු. දැන් අපෙ උන්ටික වටකරෙගෙන අරුන් ටික හෙන පාර්ට් එකලු, අර මදාවි සෙට් එක හින්දා අරුන් ටික සිංහයො වගෙ ටොක්ස් දෙනවලු මෙහෙම,
තොපි බාවනව, දැනගනිව් අපෙ හැටි.... සහ තවත් නොහොබිනා කුනුහරුප ගොඩයිලු, ගහන්නත් ඔන්න මෙන්න ලු (ඒ කියන්නෙ අපෙ උන් ගුටි කන්න ඔන්න මෙන්න කියන අවස්තාව). අපේ උන් දැන් මුකුත් කරගන්න බැරිව උගුඩුවො වගෙ තක් බීර් වෙල ඉන්නවලු. එතකොට අර පරන පොත්වල තියෙන්නෙ, ආතල් එකේ උපරිම ගියාම ඇස් රතුවෙන සීන් එකක්, ඒ වගෙ අර සිංහ සෙට් එකෙ එකෙක් උපරිම ආතල් එකෙන් තර්ජනයක් දැම්මලු මෙහෙම,(සාන්ත දාන්ත අය බලන්න එපෝ )

තොපි දැනගනිව්, මම තොපි සෙට් එකේ ඔක්කොම පෝලිමට තියලා, අරිනව පු... කියල

ඕක අහපු ගමන් අර අසරණව, කුජීතව, පීචන් වෙලා හිටපු ගැන්සියෙ එකෙක් අරූගෙන් ඇහුවලු,
ඇයි අය්යෙ අය්යට මැෂින් එකක් තියනවද ඔච්චර කරන්න කියල..

උන්ට ඊට පස්සෙ වෙච්ච දේ නම් අහන්න එපා..